Qendra Muzeore Berat në bashkëpunim me Bashkinë Berat, sjell në Galerinë Edward Lear ekspozitën “Udhëtim me Edward Lear në Shqipëri”, organizuar nga Instituti i Librit dhe promocionit TOENA me mbështetjen e Ministrisë së Turizmit dhe Mjedisit. Ekspozita permban nje pjese te puneve të piktorëve më të mirë shqiptarë të peizazhit, që udhëtuan në gjurmët e Edward Lear nëpër Shqipëri dhe hodhën në telajo peizazhet e ditëve tona. Për disa ditë me radhë piktorët Kujtim Buza, Pashk Përvathi, Nikolin Ivanaj, Xhaneta dhe Agim Kadillari, Agron Polovina, Sadik Kasa etj kanë qenë në disa nga vendet e qytetet, ku rrugetoi Edward Lear.
Edward Lear ishte piktor, poet dhe udhëpërshkrues anglez nga Britania e Madhe. Pikturat e tij paraqesin pamje nga vendi ynë, si edhe veshje tradicionale të popullsisë vendase në mesin e shekullit XIX. Lear krijoj vepra madhore ndër të cilat mbi 100 vizatime e pikrura mbi Shqipërinë. Përshkrimet e bëra nga Edward Lear nëpër Shqipëri janë botuar në një përmbledhje nën titullin “Edward Lear in Albania: Journalls off a Landscape Painter in Albania and Illyria” (Edward Lir në Shqipëri: ditari i një piktori peisazhist në Shqipëri dhe Iliri). Ekspozita vazhdon të jetë e hapur, dhe të ndiqet me interes nga artdashësit e Beratit.
